Εις το Σύμβολον της Πίστεως
Κώδ. Α, φ. 110 – 111
Ήχος πλ. α΄. Χαίροις ασκητικών.
Πίστει ψυχής εις ένα Θεόν* Πατέρα πάντες οι πιστοί παντοκράτορα* πιστεύομεν ποιητήν τε* του ουρανού και της γης* και εις ένα Κύριον Ιησούν Χριστόν,* ως γράφει το σύμβολον,* τον Υιόν του Θεού Πατρός,* τον γεννηθέντα* εξ αυτού προαιώνιον,* φως εκ φωτός* και Θεόν τον αληθινόν* μόνον, εκ του αληθινού* γεννηθέντα μεν,* ου ποιηθέντα δε όλως,* Πατρί Υιόν ομοούσιον,* τον δι’ ου τα πάντα,* ον συν τω Πατρί υμνούμεν* και θείω Πνεύματι.
Πίστει ψυχής εις ένα Χριστόν* συν τω Πατρί πιστεύομεν και τω Πνεύματι, τον Λόγον Θεού του ζώντος,* το σύμβολον ως φησι,* τον δι’ ημετέραν σωτηρίαν μεν* κατελθόντα άνωθεν,* εξ αγίου δε Πνεύματος* και της Παρθένου* σαρκωθέντα Μαρίας τε,* ενανθρωπήσαντα,* σταυρωθέντα, παθόντα δε,* τρίτη εξαναστάντα τε* ημέρα, ως γέγραπται,* εις ουρανούς ανελθόντα,* εκ δεξιών καθεζόμενον,* ερχόμενον πάλιν* κρίναι πάντας,* βασιλέα* όντα αιώνιον.
Πάντες πιστεύομεν συν Πατρί* και τω Υιώ σεσαρκωμένω εις άγιον* το Κύριον θείον Πνεύμα,* ζωοποιόν, αγαθόν,* το εκ του Πατρός εκπορευόμενον,* το συμπροσκυνούμενον* άμα συνδοξαζόμενον* Πατρί Υιώ τε, το λαλήσαν το πρότερον* διά προφητών,* Εκκλησίαν εις μίαν τε,* αγίαν, αποστολικήν,* καθολικήν, θείαν τε· ομολογούμεν εν πίστει* βάπτισμα εν τω εις άφεσιν·*νεκρών προσδοκώμεν* εξανάστασιν, ζωήν τε* αιώνος μέλλοντος.
Σέβομεν και κρατούμεν πιστώς* το θείον σύμβολον, ο πρώτη εξέθετο* συνόδων η εν Νικαία* και η Δευτέρα σεπτώς* εν τη Κωνσταντίνου τετελείωκεν,* η τρίτη τε έστερξεν* εν Εφέσω κηρύξασα* την Θεοτόκον,* Χαλκηδόνος τετάρτη τε,* εβεβαίωσε,* πέμπτη, έκτη, εβδόμη τε·* τούτω ουδέν προστίθεμεν* ουδέ αφαιρούμεν τι* και τους αγίους τιμώμεν* τους εκθεμένους και στέρξαντας,* αιρετικούς πάντας* αναθέματι διδόντες,* Τριάς, και σώσον ημάς.
Κώδ. Α, φ, 112
Ήχος πλ. β΄. Όλην αποθέμενοι.
Πιστεύοντας φύλαττε* εις Θεόν ένα Πατέρα,* σε τον παντοκράτορα,* ποιητήν υπάρχοντα* ουρανού και γης* ορατών πάντων τε* και των αοράτων* και εις ένα πάντων Κύριον,* τον Ιησούν Χριστόν,* τον εκ του Πατρός γεννηθέντα σου* προ πάντων των αιώνων τε,* φως εκ του φωτός ομοούσιον,* εξ αληθινού τε* Θεού Πατρός Θεόν αληθινόν,* δι’ ου τα πάντα εγένετο,* και εις Πνεύμα άγιον.
Εις σε τους πιστεύοντας* Πατρί και Πνεύματι άμα* τον μονογενή Υιόν,* εξ αγίου πνεύματος* και Μαρίας δε* σαρκωθέντα, Κύριε,* της αγνής Παρθένου* δι’ ημάς ενανθρωπήσαντα* και σταυρωθέντα τε,* παθόντα, ταφέντα τριήμερον,* εξαναστάντα άφθαρτον* και αναληφθέντα, καθήμενον* Πατρός δεξιόθεν,* ερχόμενον κριτήν ζώντων νεκρών* και βασιλέα αιώνιον* σώσον το ελέει σου.
Συν Πατρί πιστεύομεν* και τω Υιώ σαρκωθέντι* εις σε Πνεύμα άγιον,* ζωοποιόν , Κύριον,* το εκ του Πατρός* εκπορευόμενον,* συν ΠΑτρί Υιώ δε* το αεί συμπροσκυνούμενον,* συνδοξαζόμενον,* το λαλήσαν διά των προφητών* εις μίαν αποστολικήν* και καθολικήν Εκκλησίαν τε* και ομολογούντας* εν βάπτισμα, ανάστασιν νεκρών,* ζωήν αιώνος του μέλλοντος,* σώσον ημάς, Κύριε.
