Δόξα, Καί νῦν. Ἦχος πλ. α΄.
Δεῦτε φιλεόρτων τό σύστημα, δεῦτε καί χορείαν στησώμεθα, δεῦτε καταστέψωμεν ἄσμασι τήν ἐκκλησίαν ἐπί τῆ καταθέσει, σήμερον, τῆς πανεντίμου Ζώνης, τῆς Μητρός τοῦ Θεοῦ ἡμῶν, καί πρός αὐτήν ἐκβοήσωμεν λέγοντες~ χαίροις Σειρά οὐράνιος, ἡ τόν νοητόν οὐρανόν ὡραῒσασα~ χαίροις Ἶρις πολύμορφε, ταῖς τοῦ Πνεύματος καθωραϊσμένη ρανίσι~ χαίροις τόξον χρυσαυγέστατον, τό τήν Πλατυτέραν Οὐρανοῦ στεφανῶσαν~ χαίροις χρυσόπλοκε σφενδόνη, τῆς Θυγατρός τοῦ Δαβίδ, δι’ ἧς τόν νοητόν τροπούμεθα Γολιάθ~ χαίροις φραγγέλιον τῆς Παρθένου τρίπλοκον παμφαέστατον, ἐν ὧ τόν δολερώτατον δράκοντα ἐναπέπνιξε, καί τό παρθενικόν αὐτῆς περιέστειλε σῶμα, καί ἐκεῖθεν τήν ἀφθαρσίαν ἀρυόμενον~ χαίροις Ζώνη ἠόμορφε, ἡ τόν νοητόν ἥλιον, ἐν κοιλίᾳ ὄντα τῆς Παρθένου αἰσθητῶς διαζώσασα, καί τῶν ἰαμάτων τήν χάριν πλουτήσασα~ ἥνπερ παρέχει ἀφθόνως, τοῖς μετά πόθου εὐλαβῶς ἁπτομένοις σου.