Παραδοσιακά Κάλαντα (ηχογραφήσεις)

ΝΕΚΤΑΡΙΟΣ ΚΟΥΓΙΑΣ

Παλαιό Μέλος


ΧΧριστός γεννέθεν, χαράν σον κόσμον,
χα καλή ώρα, καλή σ' ημέρα,
χα καλόν παιδίν οψέ γεννέθεν. (δις).

Οψέ γεννέθεν, ουρανοστάθεν,
Τον εγέννεσεν η Παναγία,
Τον ανέστεσεν Αΐ Παρθένος. (δις).

Εκαβάλκεψεν χρυσόν πουλάριν,
κι εκατήβεν σο σταυροδρόμι,
σταυροδρόμι και μοιροδρόμι. (δις).

Έρπαξαν Ατόν οι χίλ' Εβραίοι,
οι χίλ' Εβραίοι και μύριοι Εβραίοι. (δις).

Ας Ακρεντικά κι ασήν καρδίαν,
αίμαν έσταξεν, χολή κ' εφάνθεν,
ούμπαν έσταξεν και μυρος έτον,
μύρος έτον και μυρωδία.

Εμυρίστεν ατό ο κόσμος όλεν,
για μυρίστ' ατό κι εσύ αφέντα,
Συ αφέντα, καλέ μ' αφέντα. (δις).

Έρθαν τη Χριστού τα παλληκάρεα
και θυμίζ'νε το νοικοκύρην,
νοικοκύρη μ' και βασιλέαν. (δις).

Δέβα σο ταρέζ' κι έλα σην πόρταν,
δώσ' μας ούβας και λεφτοκάρεα.
Κι αν ανοί'εις μας, χαράν σην πόρτα σ'! (δις).

Καλά, ειρηνικά & ευλογημένα Χριστούγεννα!
 
Top